Ladki Bahin Yojana Installment : महाराष्ट्र सरकारची अत्यंत लोकप्रिय ‘माझी लाडकी बहीण योजना’ (Ladki Bahin Yojana) ही महिलांना आर्थिक बळ देण्यासाठी सुरू करण्यात आली आहे. मात्र, शासनाने या योजनेत गैरव्यवहार टाळण्यासाठी आणि फक्त खऱ्या गरजू महिलांना लाभ देण्यासाठी ७ नवीन आणि कठोर अटी लागू केल्या आहेत.
या नवीन नियमांमुळे अनेक महिला अपात्र (Disqualified) ठरण्याची शक्यता असल्याने, तुम्ही या योजनेचे लाभार्थी असल्यास, खालील अटींचे त्वरित पालन करत आहात की नाही हे तपासणे गरजेचे आहे.
लाडकी बहीण योजनेत लागू झालेले ७ मोठे नवीन नियम
शासनाने जारी केलेल्या नवीन नियमांमुळे, ज्या महिलांनी अर्जात चुकीची माहिती दिली आहे, त्यांना पुढील लाभापासून वंचित राहावे लागेल.
१. वयाचा निश्चित निकष (Age Criteria)
अर्जदाराचे वय २१ वर्षे पूर्ण होण्यासाठी दोन वेगवेगळ्या तारखा निश्चित केल्या आहेत:
- नारी शक्ती दूत ॲपद्वारे अर्ज: अर्ज करणाऱ्या महिलांचे वय १ जुलै २०२४ रोजी २१ वर्षे पूर्ण असावे.
- वेब पोर्टलद्वारे अर्ज: अर्ज करणाऱ्या महिलांचे वय ३० सप्टेंबर २०२४ रोजी २१ वर्षे पूर्ण असावे.
२. वयाच्या पडताळणीत एकरूपता
अर्ज करताना सादर केलेल्या आधार कार्ड आणि इतर कागदपत्रांवरील जन्मतारीख समान असणे आवश्यक आहे. यात थोडाही फरक आढळल्यास, तुमचा अर्ज थेट बाद ठरवला जाईल.
३. कमाल वयोमर्यादा
१ ऑगस्ट २०२५ पर्यंत ज्या महिलांचे वय ६५ वर्षांपेक्षा जास्त असेल, त्यांना या योजनेतून वगळण्यात आले आहे.
४. शिधापत्रिकेवर (रेशन कार्ड) एकाच लाभार्थीची अट
- एकाच शिधापत्रिकेवर फक्त एक विवाहित आणि एक अविवाहित महिला योजनेचा लाभ घेऊ शकते.
- सासू आणि सून (दोन विवाहित महिला) एकाच रेशन कार्डवर लाभ घेत असल्यास, त्यापैकी एकच महिला पात्र ठरेल.
५. कुटुंबातील दोन बहिणींसाठी नियम
जर एकाच कुटुंबातील दोन बहिणींनी अर्ज केला असेल, तर त्यापैकी एक अर्ज अपात्र ठरवला जाईल.
६. शिधापत्रिकेतील बदलांचे बंधन
योजनेचा लाभ सुरू झाल्यानंतर तुम्ही शिधापत्रिकेत काही बदल केला असल्यास, जुने शिधापत्रिकाच लाभासाठी ग्राह्य धरले जाईल.
७. परप्रांतीय महिलांना लाभ नाही
योजनेच्या नियमांनुसार, परप्रांतीय महिलांना या योजनेचा लाभ घेता येणार नाही. एकात्मिक बाल विकास प्रकल्प अधिकाऱ्यांमार्फत स्थलांतरित लाभार्थ्यांची तपासणी केली जाईल.
तुम्ही या योजनेचे लाभार्थी असाल, तर वर दिलेल्या सर्व ७ अटींचे पालन करत आहात की नाही याची त्वरित खात्री करून घ्या, जेणेकरून तुमचे मासिक ₹१,५०० चे अनुदान थांबू नये.